వాహిని కుమారి , Vahini Kumari

•  
• ---------------------------------------- 
•  

పరిచయము : 

• వాహిని కుమారి పాతకాలపు తెలుగు సిని నటి . ' వాహినీ ' కుమారిగా ప్రసిద్ధి చెందిన రాజకుమారి.......మద్దెల నాగరాజకుమారి గత తరం ప్రేక్షకులకు అప్పటి నటీమణులలో చిరపరిచితమైన పేరు. 'దశావతారాలు ' ఈమె మొదటి ఫిల్మ్ , ఈ సినిమాలోమూడు పాత్రలు పోషించినది , లక్ష్మి ,సీత , యసోధర ,. ఈమె రెండెవ సినిమా - అమ్మ(1939). 1940 లో ఈమె వాహిని పిచర్స్(Vahini picturs) లో ప్రవేశించినది . అప్పటి నుండి , వాహిని కుమారి గా పిలువబడేది .

బయోగ్రఫి :

• పేరు : వాహిని కుమారి .

• అసలు పేరు : మద్దెల నాగ రాజ కుమారి .

• పుట్టిన స్తలం : తెనాలి .

• తండ్రీ : వెంకటేశ్వరరావు ,

• తల్లి : రామామణి ,

• భర్త : భాష్యకార్లు గారు .

• కొడుకు : గంగాధర్ .(ఒక్క సంతానమే)

• నివాసము ; విజయవాడ .
• మరణము : 2009 మార్చి 3 న స్వర్గస్తులయ్యారు.   .

 కెరీర్ (career) :

• తెనాలికి చెందిన మద్దెల నాగరాజకుమారి అందం 1934 లోనే సి. పుల్లయ్య గారి ' శ్రీకృష్ణ తులాభారం ' చిత్రంలోను, వేల్ పిక్చర్స్ వారి ' సీతాకళ్యాణం ' చిత్రంలోనూ అవకాశాలు వెదుక్కుంటూ వచ్చేటట్లు చేసింది. అయితే నటన, చిత్ర పరిశ్రమ అంటే భయపడ్డ ఆమె తల్లి వాటిని తిరస్కరించింది. 1937 లో ఒక బంధువు ప్రోద్బలంతో ' దశావతారాలు ' చిత్రానికి జరిగిన సెలక్షన్లో కుమారి ఎంపికయ్యారు. తోలి చిత్రంలోనే లక్ష్మి, సీత, యశోధర పాత్రలు ధరించి త్రిపాత్రాభినయం చేసారు. ఆ తర్వాత 1939 లో ' అమ్మ ' , ' ఉష '  అనే చిత్రాల్లో నటించారు. అయితే ఆ చిత్రాలు అంతగా విజయం సాధించలేదు. ' ఉష ' ఘోరంగా పరాజయం పాలైంది.
  
  ఇక కుమారి గారి జీవితంలో ముఖ్యమైన ఘట్టం..... వాహినీ పిక్చర్స్ లో అడుగుపెట్టడం. వితంతు పునర్వివాహం ప్రధానాంశంగా వాహినీ వారు 1940 లో నిర్మించిన ' సుమంగళి ' లో ఆమె పోషించిన కథానాయిక పాత్ర ఆమెకు గుర్తింపు తెచ్చి పెట్టింది. తర్వాత వాహినీ వారు పతిత జనోద్దరణ ప్రధానాంశంగా నిర్మించిన ' దేవత ' చిత్రం ఆమెను వాహినీ కుమారిని చేసింది. ఆ చిత్రం సంచలన విజయం సాధించింది. అయితే అనూహ్యంగా ఆ చిత్రం తర్వాత అయిదేళ్లపాటు ఆమె కనుమరుగైపోయింది.
  మళ్ళీ 1946 లో ఘంటసాల బలరామయ్య గారి ' ముగ్గురు మరాటీలు ' చిత్రం ద్వారా పునః ప్రవేశం చేసారు. ఆ చిత్రం ఘన విజయం సాధించినా ఆ తరవాత కుమారి కొండచిలువతో పోరాటాలు వగైరా సాహసాలు చేసిన ' మాయపిల్ల ' ( 1951 ) పరాజయం పాలయ్యింది. ఇంకా కవిసామ్రాట్ విశ్వనాథ సత్యనారాయణ గారు రచన చేసిన ' ఆకాశరాజు ' చిత్రంలో గౌరీనాథశాస్త్రి గారి సరసన నటించారు. ఇలా ఆమె నటించిన బయిట చిత్రాలలో కొన్ని పరాజయం పొందగా, మరికొన్ని నిర్మాణ దశలోనే ఆగిపోయాయి.
  
  మళ్ళీ వాహినీ వారి ' మల్లీశ్వరి ' చిత్రంలో రాణి తిరుమలదేవి పాత్ర కుమారికి మరోసారి గుర్తింపు తెచ్చింది. ఆ చిత్రంలో కుమారిది చిన్న పాత్రే అయినా ఆమెకు వాహినీ కుమారి అనే పేరును శాశ్వతం చేసింది. ఆ తర్వాత మరో మూడు చిత్రాల్లో నటించిన కుమారి 1958 లో మద్రాస్ వదలి విజయవాడ కొచ్చి స్థిరపడ్డారు. శేష జీవితం బెజవాడ లోనే గడిపి 2009 మార్చి 3 న స్వర్గస్తులయ్యారు. 
  
   

నటించిన సినిమాలు :

• దశావతారాలు

• 'అమ్మ' (1939)

• సుమంగళి'

• దేవత

• 'ముగ్గురు మరాటీలు'

• 'మల్లీశ్వరి'

• చిన్న కోడలు (1952),

• పెంపుడు కొడుకు (1953),

• కాళహస్తి మహత్యం (1954).

• =================================

visit my website : dr.seshagirirao.com