pavitra Lkesh-పవిత్ర లోకేష్
పరిచయం (Introduction) : ఈమె కన్నడ నటి . తెరమీద కన్నీళ్లు పెట్టుకుని, ప్రేక్షకుల కంటతడి పెట్టిస్తుంది. తెర వెనక నవ్వుల పువ్వులు పూయిస్తుంది. యువ హీరోలకు తల్లిగా నటిస్తూ... ఇంట్లో రెండేళ్ల బాబు ఆలనాపాలనా చూసుకుంటుంది. చిన్న వయసులోనే క్యారెక్టర్ ఆర్టిస్టుగా స్థిరపడిన పవిత్ర లోకేష్ 'ప్రస్థానం' నుంచి 'హార్ట్ ఎటాక్' వరకూ ఎన్నో చిత్రాల్లో నటించారు. అమ్మగా అందరితో వహ్వా అనిపించుకున్నది. తన మాటల్లో--> సీరియళ్ల ద్వారా తెలుగు ప్రేక్షకులకు పరిచయం అయ్యా. 'మేఘసందేశం', 'గోదావరి'.. ఇలా మరికొన్ని జెమినీలో రీమేక్ సీరియళ్లుగా ప్రసారమయ్యాయి. అలా నా ప్రయాణం తెలుగులో వెండి తెర వరకూ సాగింది. నేను తెలుగులో నటించిన మొదటి సినిమా 2003లో వచ్చిన 'దొంగోడు'. ఆ తరవాత ముత్యాల సుబ్బయ్యగారి 'ఆలయం'. బ్రేక్నిచ్చింది మాత్రం 'ప్రస్థానం'. ఆ తరవాత వరసగా 'బావ', 'ఆరెంజ్', 'శక్తి', 'సోలో', 'గౌరవం', 'పేరెంట్స్', 'హార్ట్ ఎటాక్'.. ఇలా చెప్పుకుంటూ పోతే తెలుగులో ఇరవైకి పైనే సినిమాల్లో చేశాను...