Thursday, October 29, 2015

Manasi Singer-గాయని మానసి.








పరిచయం (Introduction) :

  •  Manasi Singer-గాయని మానసి.-కిర్రాక్‌ పుట్టించే తన గొంతుతో అటు క్లాస్‌... ఇటు మాస్‌ అభిమానులను ఆకట్టుకుంటోన్న మానసి గాయని మాత్రమే కాదు డబ్బింగ్‌ ఆర్టిస్టు, వ్యాఖ్యాత కూడా. ఈమె తెలుగు హీరోయిన్‌ లకు తమిళం లో గాత్రం అందించేవారు.

profile :

  • పేరు : ఎం.ఎం.మానసి ,
  • పుట్తిన ఊరు : చెన్నై ,
  • పెరిగిన ఊరు : ముంబై ,
  • అమ్మ : గృహిణి ,
  • నాన్న : భారత్ పెట్రోలియం కంపెనీ లో ఉద్త్యోగము ,
  • తోబుట్టువులు : ఒక చెల్లి,
  • తెలుగు ఎలావచ్చు : ముంబై లో తన పక్కంటి వారు తెలుగువారైనందున వారి పరిచయం తో తెలుగు నేర్చుకున్నారట.

  • తనకు నచ్చిన పాటలు : 'గ్రీకువీరుడు'లో 'ఓసి నా బంగారం...', 'మసాలా'లో 'మీనాక్షి మీనాక్షి..', 'ఆహా కళ్యాణం'లో పంచ్‌డైలాగుల పాట.
  • స్ఫూర్తినిచ్చిన వ్యక్తులు : అమ్మానాన్నలు, సునిధీ చౌహాన్‌, చిన్మయి
  • పూజించే దేవుళ్లు : మురుగన్‌, బాలాజీ, గాయత్రీ దేవి
  • బలాలు : కుటుంబం, పరిస్థితులకు అనుకూలంగా మారగలగడం, సానుకూలంగా ఆలోచించడం.
  • ఎక్కువ సార్లు చూసిన సినిమాలు : బాషా, తారే జమీన్‌ పర్‌, త్రీ ఇడియట్స్‌
  • అభిమానించే గాయకులు : ఎస్పీ బాలు, శ్రేయాఘోషాల్‌, శంకర్‌మహదేవన్‌
  • ఇష్టపడే నటులు : రజనీకాంత్‌, అమీర్‌ఖాన్‌, షారుఖ్‌ ఖాన్‌
  • తింటుంటే తినాలనిపించేవి : పావ్‌బాజీ, వడాపావ్‌, గోంగూర పచ్చడి
  • ఎప్పుడూ వెంట ఉండేవి : సెల్‌, పాటల పుస్తకం, శాలువా
  • కాబోయే భర్తలో కోరుకునేవి : మా అమ్మనాన్నల్ని ఓ కొడుకులా చూసుకోవాలి. నన్ను అర్థం చేసుకోవాలి. నా కెరీర్‌ను ప్రోత్సహించాలి.
  • తరచూ వినే పాటలు : 'క్రిమినల్‌'లో 'తెలుసా మనసా', 'మసాలా'లో 'నిను చూడని...', 'బిజినెస్‌మెన్‌'లో 'సారొస్తారొస్తారా..'.
  • నచ్చే ప్రాంతాలు : ముంబయి, చెన్నై, హైదరాబాద్‌
  • నమ్మే సిద్ధాంతాలు : ఎదిగిన కొద్దీ ఒదిగిపోతాను. ఆత్మవిశ్వాన్ని కోల్పోను. ఆత్మగౌరవాన్ని ఎప్పుడూ వదులుకోను.



Wednesday, October 28, 2015

Mada venkateswararao-మాడా వెంకటేశ్వరరావు









పరిచయం (Introduction) :

  • Mada venkateswararao-మాడా వెంకటేశ్వరరావు తెలుగు సినీ హాస్యనటుడు. ఇటీవల హైదరాబాద్‌లోని అపోలో ఆస్పత్రిలో చికిత్స పొందుతూ శనివారం(24-10-2015) తుదిశ్వాస విడిచారు. తూర్పుగోదావరి జిల్లా కడియంలో అక్టోబర్‌ 10, 1950న జన్మించిన మాడా సినిమాల్లోకి రాకముందు విద్యుత్‌ సంస్థలో ఉద్యోగం చేశారు. తనదైన హాస్యంతో ప్రత్యేక గుర్తింపు సంపాదించుకున్న ఆయన అక్కినేని నటించిన అందాల రాముడు ద్వారా చిత్ర రంగ ప్రవేశం చేశారు. బాపు దర్శకత్వంలో రూపొందిన ముత్యాలముగ్గు చిత్రంలో ఆయన పోషించిన 'మాడా' పాత్ర ప్రత్యేక గుర్తింపు తెచ్చిపెట్టింది. అనంతరం దాసరి నారాయణరావు తన చిత్రాల్లో వరుస అవకాశాలు ఇచ్చి ప్రోత్సహించారు. ఆయన దర్శకత్వంలో రూపొందిన చిల్లరకొట్టు చిట్టెమ్మలో మాడా పోషించిన పువ్వుల కొమ్మయ్య పాత్రకు మంచి ప్రశంసలు లభించాయి. మాయదారి మల్లిగాడు, రాధాకృష్ణ, మల్లెపూలు, ఏకలవ్య తదితర చిత్రాలతో పాటు దాదాపు 60కి పైగా చిత్రాల్లో నటించారు. ఇతడు నపుంసక పాత్రలకు పెట్టింది పేరు.మాడాకు అభినయ కళానిధి అనే బిరుదు ఉంది. చూడు పిన్నమ్మ అనే పాత్రతో మాడాకు మంచి గుర్తింపు వచ్చింది.

 జీవిత విశేషాలు (profile) :

  • పేరు : మాడా వెంకటేశ్వరరావు,
  • పుట్టిన ఊరు : కడియం (తూర్పుగోదావరి జిల్లా),
  • పుట్టిన తేదీ : 10-10-1950,


 నటించిన సినిమాలు (filmography ): 

  • అందాలరాముడు 
  • ముత్యాల ముగ్గు ,
  • చిల్లరకొట్టు చిట్టెమ్మ ,
  • మాయదారి మల్లిగాడు ,
  • సఖియా, 
  • శివయ్య 

Sunday, August 30, 2015

Bollu Satyanarayana- బొల్లు సత్యనారాయణ








పరిచయం (Introduction) :


  • సినీ నిర్మాత బొల్లు సత్యనారాయణ (61) శనివారం(29-08-2015) మధ్యాహ్నం తిరుపతిలో కన్నుమూశారు. కొంతకాలంగా క్యాన్సర్‌తో బాధపడుతున్న ఆయన తిరుపతిలోని స్విమ్స్‌ ఆస్పత్రిలో చికిత్స పొందుతూ తుదిశ్వాస విడిచారు.   సత్యనారాయణ సినీ ప్రస్థానం 1981లో 'ముద్దమందారం'తో ప్రారంభమైంది. ఆ సినిమాకు ప్రొడక్షన్‌ ఎగ్జిక్యూటివ్‌గా పనిచేశారు. 2002లో 'ధనలక్ష్మీ ఐ లవ్‌ యూ'తో నిర్మాతగా మారారు. ఆపై 'బాలీవుడ్‌ కాలింగ్‌', 'మిస్సమ్మ', 'మాయాబజార్‌' తీశారు. అనువాద చిత్రాలు 'అభిమన్యుడు', 'గీతాంజలి' ఆయనే నిర్మాత. 'మిస్సమ్మ'కుగాను 2004లో రాష్ట్ర ప్రభుత్వం నుంచి ఉత్తమ నిర్మాతగా నంది పురస్కారం అందుకున్నారు.




జీవిత విశేషాలు (profile) : 

  • పేరు :భొల్లు సత్యనారాయణ,
  • వయసు : 61 సం.లు , 
  • పుట్టిన ఊరు : నల్గొండ జిల్లా గుర్రంపూడు మండలం జువ్విగూడెం..
  • భార్య ::  అన్నపూర్ణమ్మ తితిదే పద్మావతి మహిళా డిగ్రీ, పీజీ కళాశాల ప్రిన్సిపల్‌గా పనిచేసి రిటైరయ్యారు.
  • పిల్లలు :  ఆయనకు కుమార్తె హరిత కుమారుడు తేజస్వి ఉన్నారు.
  • నివాసము : తిరుపతి ,


సినిమాలు (filmography ):

  • ముద్దమందారం.
  • ధనలక్ష్మీ ఐ లవ్‌ యూ.
  • 'బాలీవుడ్‌ కాలింగ్‌', 
  • 'మిస్సమ్మ',
  •  'మాయాబజార్‌' .
  •  'అభిమన్యుడు' (అనువాద చిత్రాలు) .
  • 'గీతాంజలి'(అనువాద చిత్రాలు) .


Monday, August 17, 2015

Sukrithi Ambati-సుకృతి అంటి

  •  
  •  
పరిచయం (Introduction) :
  •  తెలుగు సినిమా " కేరింత " ఫేమ్‌ .. Sukrithi Ambati-సుకృతి అంటి డిల్లీ కి చెందిన పిల్లే అయినా అసలు సిసలు తెలుగమ్మాయి.

జీవిత విశేషాలు (profile) :
  • పేరు :  Sukrithi Ambati-సుకృతి అంటి ,
  • సొంత ఊరు : కావలి -నెల్లూరు జిల్లా, 
  • స్థిరపడిన ఊరు : డిల్లీ ,
  • నాన్న : సివిల్ ఇంజనీర్ , 
  • చదువు : ఎలక్ట్రానిక్స్ & కమ్యూనికేషన్‌ లో డిగ్రీ  ',


నటించిన సినిమాలు (filmography ):
  •  కేరింత (తెలుగు) -2015,

Thursday, July 23, 2015

Ramakrushna .V-రామకృష్ణ .వి - (tollywood singer)







పరిచయం (Introduction) :

  • వి.రామకృష్ణ(విస్సంరాజు రామకృష్ణ)  1970 వ దశకములో ప్రసిద్ధిచెందిన తెలుగు సినిమా నేపథ్య గాయకుడు. ఇరవై సంవత్సరాల సినీ జీవితంలో ఈయన 200 సినిమాలలో 5000కు పైగా పాటలు పాడాడు.ముఖ్యంగా భక్తి ప్రధానంగా పాటలు చెప్పుకోదగ్గవి. 1972లో 'విచిత్రబంధం సినిమాతో గాయకుడిగా సంగీత ప్రపంచంలోకి అడుగుపెట్టారు. 


ఆయన ఆలపించిన భక్తిగీతాల ఆల్బమ్‌ ఎంతో ఆదరణ పొందాయి. ప్రముఖ గాయని పి.సుశీలకు రామకృష్ణ దగ్గర బంధువు(మేనత్త ). ఆయన కుమారుడు సాయికిరణ్‌ 'నువ్వేకావాలి చిత్రం ద్వారా సినీరంగ ప్రవేశం చేశారు.


  • ప్రముఖ సంగీత దర్శకుడు ఎంఎస్‌ విశ్వనాథన్‌ మరణించిన రెండు రోజులకే రామకృష్ణ మృతి చెందడం టాలీవుడ్‌ను దిగ్భ్రాంతికి గురిచేసింది.


 జీవిత విశేషాలు (profile) : 

  • పేరు : వి.రామకృష్ణ
  • జననం --ఆగష్టు 20, 1947
  • జన్మ స్థలము : విజయనగరం
  • మరణం -- కొంతకాలంగా క్యాన్సర్ వ్యాధితో బాధపడుతున్న ఈయన 2015, జూలై 16 న జూబ్లీహిల్స్‌లోని వెంకటగిరి కాలనీలో ఉన్న తన నివాసంలో తుదిశ్వాస విడిచారు.

  • ప్రసిద్ధి : తెలుగు సినిమా నేపథ్య గాయకుడు.
  • పిల్లలు : ఒక కుమారుడు సాయికిరణ్ (నువ్వేకావాలి సినిమా ద్వారా  వెండి తెరకు పరిచయమయ్యారు)- ఒక కుమార్తె.


సినిమాలు


  •     విచిత్రబంధం (1972) : వయసే ఒక పూలతోట వలపే ఒక పూలబాట
  •     అందాల రాముడు (1973)
  •     తాత మనవడు (1973) : అనుబంధం ఆత్మీయత అంతా ఒక బూటకం
  •     పల్లెటూరి బావ (1973)
  •     శారద (1973) : శారదా నను చేరవా ఏమిటమ్మా సిగ్గా ఎరుపెక్కె లేతబుగ్గ
  •     అల్లూరి సీతారామరాజు (1974) : తెలుగువీర లేవరా (ఘంటసాలతో)
  •     గుణవంతుడు (1975)
  •     ముత్యాల ముగ్గు (1975) : ఏదో ఏదో అన్నది..ఈ మసక వెలుతురు
  •     భక్త కన్నప్ప (1976)
  •     మహాకవి క్షేత్రయ్య (1976)
  •     సీతా కళ్యాణం (1976)
  •     చక్రధారి (1977)
  •     అమరదీపం (1977) : నా జీవన సంధ్యాసమయంలో ఒక దేవత ఉదయించింది
  •     దాన వీర శూర కర్ణ (1977)
  •     శ్రీమద్విరాట్ వీరబ్రహ్మేంద్రస్వామి చరిత్ర (1984)
  •     శ్రీ షిర్డీ సాయిబాబా మహత్యం (1986)
  •     బావా మరదళ్ల సవాల్ (1988)



Wednesday, June 10, 2015

Dasarathi Rangacharya(Writer)-దాశరథి రంగాచార్య(ప్రముఖ రచయిత)







పరిచయం (Introduction) : 

  • రాలిపోయిన మోదుగుపువ్వు - ప్రముఖ రచయిత దాశరథి రంగాచార్య కన్నుమూత -అనారోగ్యంతో ఆస్పత్రిలో మృతి -నేడు ప్రభుత్వ లాంఛనాలతో అంత్యక్రియలు 



సాహితీ శిఖరం కూలిపోయింది. తెలంగాణ మోదుగుపువ్వు రాలిపోయింది. ఆంధ్రప్రదేశ్‌ సాహిత్య అకాడమీ పురస్కార గ్రహీత, ప్రముఖ రచయిత దాశరథి రంగాచార్య(86) ఇక లేరు. కొంతకాలంగా అనారోగ్యంతో బాధపడుతున్న ఆయన సోమవారం ఉదయం హైదరాబాద్‌లోని సోమాజిగూడ యశోద ఆస్పత్రిలో కన్నుమూశారు. గుండె, వూపిరితిత్తుల సమస్యలను ఎదుర్కొంటూ... రెండేళ్ల నుంచి యశోదలోనే చికిత్స తీసుకుంటూ వచ్చారు. సికింద్రాబాద్‌, వెస్ట్‌మారేడుపల్లిలోని తన స్వగృహంలో ఉంటున్న ఆయన ఆదివారం తీవ్ర అస్వస్థతకు లోనయ్యారు. కుటుంబసభ్యులు ఆయనను సాయంత్రం హుటాహుటిన ఆస్పత్రికి తరలించారు. అధిక రక్తపోటుతోపాటు చక్కెర బాగా పెరిగింది. ఎంత ప్రయత్నించినా నియంత్రణలోకి రాలేదు. సోమవారం ఉదయానికి ఆరోగ్యం పూర్తిగా క్షీణించింది. శరీర భాగాలు వైద్యానికి స్పందించకపోవడంతో చివరికి ఆరు గంటల సమయంలో ఆయన మృతిచెందినట్లు వైద్యులు ప్రకటించారు. ఆయనకు భార్య కమల, ముగ్గురు పిల్లలు విరించి, ఉదయశ్రీ, సుధ ఉన్నారు. ఆయన దాదాపు 54 రచనలు చేశారు. చిల్లర దేవుళ్లు, మోదుగుపూలు, జానపదం నవలలు రచించి సాహితీ రంగంలో విశేష ప్రశంసలు అందుకున్నారు. తెలంగాణ జీవనచరిత్రను తన రచనల్లో కళ్లకు కట్టినట్లు వివరించారు. 1969లో రచించిన చిల్లర దేవుళ్లు రచనకు ఆంధ్రప్రదేశ్‌ సాహిత్య అకాడమీ పురస్కారం లభించింది. తర్వాత ఇది సినిమాగా వివిధ భాషల్లోకి అనువాదమూ అయింది. డాక్టర్‌ రంగాచార్య మృతివార్త తెలియడంతో సాహితీలోకం దుఃఖసాగరంలో మునిగిపోయింది. తెలుగు రాష్ట్రాల ముఖ్యమంత్రులు కె.చంద్రశేఖరరావు, నారా చంద్రబాబునాయుడు తదితరులు తీవ్ర దిగ్భ్రాంతి వ్యక్తంచేశారు. ప్రభుత్వ లాంఛనాలతో మంగళవారం వెస్ట్‌మారేడుపల్లిలోని హిందూ స్మశానవాటికలో దాశరథి అంత్యక్రియలు జరుగనున్నాయి. ఇందుకు సంబంధించిన ఏర్పాట్లను ప్రోటోకాల్‌ విభాగ అదనపు సంచాలకులు విజయ్‌కుమార్‌ పర్యవేక్షించారు. దుబాయ్‌, అసోంల నుంచి దాశరథి మనవరాలు, మనవడు వస్తున్నారని... మధ్యాహ్నం 12 గంటలకు అంత్యక్రియలు నిర్వహిస్తామని కుటుంబ సభ్యులు తెలిపారు.
దాశరథి రంగాచార్య 1928 ఆగస్టు 24న వరంగల్‌ జిల్లా చిన్నగూడూరులో (ప్రస్తుతం ఆ గ్రామం ఖమ్మం జిల్లాలో ఉంది) దాశరథి వేంకటాచార్యులు, వెంకటమ్మలకు రెండో సంతానంగా జన్మించారు. 'నా తెలంగాణ...కోటి రతనాల వీణ' అని పలికిన దాశరథి కృష్ణమాచార్యకు ఆయన స్వయనా తమ్ముడు. తర్వాత వీరి కుటుంబం ఖమ్మంలో స్థిరపడింది. రంగాచార్య చిన్నతనంలో సంప్రదాయ వాతావరణంలో పెరిగారు. చిన్నప్పటి నుంచి ఆయనది పోరాట పంథానే. అదే ఆయనను తెలంగాణ సాయుధ పోరాటంలో పాల్గొనేలా చేసింది. నిజాంకు వ్యతిరేకంగా పోరాడి తెలంగాణ విముక్తికి పాటుపడ్డవారిలో ఆయన ఒకరు. రంగాచార్య బీఏ ఎల్‌ఎల్‌బీ పూర్తిచేశారు. ఖమ్మం జిల్లా నేలకొండపల్లి, డోర్నకల్‌లో ఉపాధ్యాయునిగా పనిచేశారు. 1958లో సికింద్రాబాద్‌ మున్సిపల్‌ విభాగంలో అనువాదకునిగా చేరారు. వృత్తి జీవితంలో అంచెలంచెలుగా ఎదిగి సహాయ కమిషనర్‌గా 1988లో పదవీ విరమణ పొందారు. ఒకవైపు ఉద్యోగ బాధ్యతలు నిర్వహిస్తూనే సాహిత్య ప్రక్రియ కొనసాగించారు. 1960ల్లో రచనా జీవితాన్ని ప్రారంభించి, చివరి శ్వాసవరకూ దానిని కొనసాగిస్తూ వచ్చారు. పండితులకు మాత్రమే అర్థమయ్యే వేదాలను చక్కని తేటతెల్లమైన తెలుగులో రాశారు. శ్రీమద్రామాయణం, శ్రీమహాభారతాలను సరళంగా తెలుగులో రచించి, అభినవ వ్యాసునిగా బిరుదు పొందారు. నల్లవాగు పేరిట 21 కథలను సంకలనంచేశారు. ఆత్మకథ జీవనయానంతోపాటు దేహదాసు ఉత్తరాలు, శకుంతల, మహాత్ముడు, మాయజలతారు, జనపదం, ప్రేమ్‌చంద్‌ జీవితం, సీతాచరితం, మానవత, శరతల్పం, హరివంశము, బుద్ధభానుడు తదితర ఇతర ఎన్నో రచనలు చేశారు. వాటికి ఎన్నో పురస్కారాలు దక్కాయి. తెలుగు విశ్వవిద్యాలయం విశిష్ట పురస్కారంతో ఆయనను సత్కరించింది. కాకతీయ విశ్వవిద్యాలయం... 1978లోనే 'డాక్టరేట్‌'తో ఆయనను గౌరవించింది.

--ఈనాడు - హైదరాబాద్‌.

  • *==============================* 

visiti my website > Dr.Seshagirirao-MBBS. 

Sunday, June 7, 2015

వీళ్లందరిదీ.. ఒకే వూరు!

పరిచయం (Introduction) :

వీళ్లందరిదీ.. ఒకే వూరు! 
అనుష్క... చిత్ర పరిశ్రమలో హీరోయిన్‌ ప్రాధాన్యమున్న పాత్ర చెయ్యాలంటే మొదట వినిపించే పేరు తనదే. ఐశ్వర్యారాయ్‌... భారత దేశం గర్వించదగ్గ అందాల తారల్లో ఆమెది ఓ ప్రత్యేక స్థానం. వీళ్లేకాదు, దీపికా పదుకొణె, పూజాహెగ్డె, జెనీలియా, శిల్పాశెట్టీ... ఇలా ఒక్కొక్కరిదీ ఒక్కో ప్రస్థానం. కానీ ఆశ్చర్యపోయే విషయం ఏంటంటే... వాళ్లందరి సొంతూరు మాత్రం ఒక్కటే. అదే మంగళూరు.

ఐశ్వర్యారాయ్‌... 
ప్రపంచ సుందరిగా ఎంపికై భారత దేశ కీర్తిని పెంచడమే కాకుండా తన ప్రతిభతో బాలీవుడ్‌లో ప్రత్యేకమైన స్థానాన్ని కైవసం చేసుకుంది ఐశ్వర్యారాయ్‌. కానీ ఆమె అసలు దక్షిణాది అమ్మాయనే విషయం చాలా మందికి తెలియదు. అవును, తను పుట్టింది కర్ణాటకలోని దక్షిణ కన్నడ జిల్లాలో ఉన్న మంగళూరులో. తండ్రి క్రిష్ణరాజ్‌ రాయ్‌, స్థానిక నౌకాశ్రయంలో మెరైన్‌ ఇంజినీర్‌. తల్లి బృందారాయ్‌ రచయిత. ఆమె పూర్వీకులు తుళు భాషను మాట్లాడే వర్గానికి చెందినవారు. అందుకే, తన మాతృ భాష తుళు అని చెబుతుంది అందాల ఐశ్వర్య. 

అనుష్క... 
చూడ్డానికి పదహారణాల తెలుగమ్మాయిలా కనిపిస్తుంది. నటించే సినిమాలు కూడా ఎక్కువ తెలుగులోనే. కానీ అనుష్క అచ్చంగా మంగళూరమ్మాయి. తల్లిదండ్రులు మంగళూరుకి చెందిన ప్రఫుల్ల, ఏ ఎన్‌ విఠ్ఠల్‌ శెట్టీలు. అనుష్క అసలు పేరు కూడా స్వీటీ శెట్టీనే. బెంగళూరులోని మౌంట్‌ కార్మెల్‌ కాలేజీలో బ్యాచిలర్‌ ఆఫ్‌ కంప్యూటర్‌ అప్లికేషన్స్‌ చేసిన తర్వాత యోగా టీచర్‌గా మారి సినిమాల్లోకి అడుగు పెట్టింది. అన్నట్లు అనుష్క మాతృభాష కూడా తుళునే. 

పూజా హెగ్డె 
తమిళ సినిమాతో తెరంగేట్రం చేసింది. 'ఒక లైలా కోసం', 'ముకుంద' సినిమాలతో తెలుగులో గుర్తింపు పొందింది. ఇప్పుడు బాలీవుడ్‌లో తొలి చిత్రంతోనే హృతిక్‌ రోషన్‌ సరసన ప్రతిష్ఠాత్మక చిత్రం 'మొహంజొదారొ'లో నటిస్తూ బోలెడంత క్రేజ్‌ను సంపాదించేసుకుంది పూజా హెగ్డె. కానీ, తనకిష్టమైన వూరేదంటే మంగళూరూ బెంగళూరూ అని చెబుతుంది ఈ అమ్మడు. ఆమె తల్లిదండ్రులు అక్కడివారే మరి. అందుకే, 'ముంబైలో స్థిరపడినా తీరిక దొరకగానే మంగళూరు, ఉడుపిల్లో ఉన్న బంధువుల ఇంటికి వచ్చేస్తుంటా' అంటుంది పూజ. 

దీపికా పదుకొణె 
దీపికా పదుకొణె తండ్రి ప్రముఖ బ్యాడ్మింటన్‌ క్రీడాకారుడు ప్రకాశ్‌ పదుకొణె. వీరి పూర్వీకులు మంగళూరుకి దగ్గర్లో ఉన్న పదుకొణె గ్రామం నుంచి వచ్చిన వారట. అందుకే, దీపిక అక్కడకు దగ్గర్లో ఉన్న బెంగళూరులో పెరిగింది. స్థానికంగా ఉన్న సోఫియా హైస్కూల్లోనూ, మౌంట్‌ కార్మెల్‌ కాలేజీలోనూ చదివింది. తండ్రికిలానే తనుకూడా చదువుకునే రోజుల్లో మంచి బ్యాడ్మింటన్‌ క్రీడాకారిణి. కానీ సినిమాల మీద ఆసక్తితో మోడలింగ్‌లోకి ప్రవేశించి కన్నడ చిత్రం 'ఐశ్వర్య'తో తెరంగేట్రం చేసింది. తరవాత హిందీలో వచ్చిన 'ఓం శాంతి ఓం' విజయం సాధించడంతో వెనక్కు తిరిగి చూసుకోలేదనుకోండీ. అన్నట్లూ ఈ మంగళూరు భామ మాతృభాష కొంకణి. 

జెనీలియా... 
తెలుగు, తమిళ, హిందీ చిత్రాల్లో ఎంతగానో పేరు తెచ్చుకున్న జెన్నీ మంగళూరు క్యాథలిక్‌ కుటుంబం నుంచి వచ్చింది. మాతృభాష కొంకణి. తల్లి జేనెట్‌ డిసౌజా, తండ్రి నీల్‌ డిసౌజాలు ఉద్యోగ నిమిత్తం ముంబైలో స్థిరపడటంతో జెన్నీ అక్కడే చదువుకుంది. తర్వాత ప్రకటనల్లో నటించడం ద్వారా సినిమాల్లోకి వచ్చింది. 

శిల్పా శెట్టి 
సాహస వీరుడూ సాగర కన్య... సినిమాతో తెలుగు ప్రేక్షకులను అలరించిన బాలీవుడ్‌ భామ శిల్పా శెట్టి కూడా మంగళూరు అమ్మాయే. తల్లిదండ్రులు సునందా శెట్టి, సురేంద్ర శెట్టి తుళు భాష మాట్లాడే వర్గానికి చెందినవారు. వ్యాపారంలో భాగంగా శిల్పా శెట్టి తండ్రి ముంబైలో స్థిరపడటంతో ఆమె అక్కడే చదువుకుని తర్వాత మోడలింగ్‌ ద్వారా నటిగా ఎదిగింది.
వీళ్లే కాదు, స్నేహా ఉల్లాల్‌, ఫ్రిదాపింటో (స్లమ్‌డాగ్‌ మిలియనీర్‌), లక్ష్మీరాయ్‌, ప్రీతీ జింగానియా, అమృతారావ్‌... ఇలా ఎంతోమంది మంగళూరు భామలు తమ అందచందాలతో అలరిస్తున్నారు. ముంబైలాంటి మహా నగరం నుంచి ఎక్కువ మంది హీరోయిన్లు వస్తున్నారంటే పెద్దగా ఆశ్చర్యపోనక్కర్లేదు. కానీ ఎక్కడో కర్ణాటకలోని ఓ ప్రాంతం నుంచి ఇంతమంది ప్రముఖ హీరోయిన్లు రావడమంటే ఆశ్చర్యపోయే విషయమే.



  • *==============================* 

visiti my website > Dr.Seshagirirao-MBBS.